پېښه بېګا ماښام هله رامنځ ته شوه کله چې په بازار کې هغوی د روژه ماتي سودا اخېستو وروسته په خپل ګاډي کې د خپل دفتر پر لور روان ول.
د پاک بحریه په جاري شوي بیان کې راغلي چې ژوبل پوځیان یې په هېليکوپټرو کې د درملنې لپاره کراچۍ ته رسول شوي دي. دوی وايي پېښه کې څلور وسله وال ککړ ول چې په تېښته بریالي شوي ډي.
د ګوادر مرستیال کمېشنر نعیم بازي د مشال راډيو خبریال ایوب ترین ته نه یوازې د پېښې پخلی وکړ بلکې د لېویز سرتېرو ته یې په سیمه کې د مشکوکو کسانو د پلټنې امر هم کړی دی.
په بلوچستان کې له تېرې څه باندې یوې لسیزې راهیسې بلوڅ جنګیالي د پاکستان پر امنیتيو ځواکونو بریدونونه کوي. دوی د دغه صوبې پر قدرتي وسایلو د لا-کورواکۍ او خودمختارۍ دعوه لري.
