پاکستان

د پاکستان پوځ په ملاکنډ او قلات کې د ۱۳ مشکوکو وسلوالو د وژنې دعوه کړې ده

د پوځ د عامه اړیکو دفتر په بل بیان کې ویلي چې امنیتي سرتېرو د جولای پر ۱۹مه او ۲۰مه د بلوچستان په قلات کې د "استخباراتي معلوماتو" پر اساس عملیات وکړل چې پر مهال یې له وسلوالو سره "سخته نښته وشوه" چې پکې څلور مشکوک وسلوال ووژل شول.

اېن ډي اېم اې د پشکال ورښتونو له وجې د سېلابونو خبرداری ورکړی دی

اېن ډي اېم اې د جولای پر ۱۹مه پر خپله رسمي فېسبوک پاڼه لیکلي چې په راتلونکو ۲۴ ساعتونو کې د کوټې، زیارت، شېرانیو، ژوب، بوري (لورالايي)، قلات، خضدار او سېوۍ په ګډون د بلوچستان او سیند په بېلابېلو برخو کې د ورښتونو امکان دی.

پنجاب کې د بارانونو پر مهال په بېلابېلو پېښو کې ۲۸ تنه وژل شوي دي

د طبیعي ناورینونو پر وړاندې د مبارزې صوبايي ادارې (پي ډي اېم اې) ویاند فاروق احمد د جولای پر ۱۶مه په بیان کې وویل، هغه مرګژوبله په تېرو ۲۴ ساعتونو کې د ورښتونو پر مهال په لاهور، فیصل اباد، شېخوپوره، اوکاړه، پاکپتن، ننکانه صاحب او ساهیوال کې د کورونو د چتونو او دېوالونو غورځېدو له وجې شوې ده.

برېتانیې ۵ کاله وروسته د پاکستان پر هوايي شرکتونو د بندیزونو لیرې کولو اعلان وکړ

اسلام اباد های کورټ حکومت ته د مذهب سپکاوي د مجازاتو قانون د ناسم استعمال دعوو د پلټنو امر کړی دی

د بشري حقونو چارو وکیلې ایمان زینب مزارۍ عدالتي اقدام ستایلی او اژانس ته یې ویلي دي چې ګڼ "ځوانان په درواغجنو مقدمو" کې تورنېږي چې دا کار ورته ټول عمري زیان رسوي ځکه چې په پاکستان کې د مذهب او د اسلامي مقدساتو د سپکاوي موضوع خورا حساسه ده.

پاکستان کې په جون میاشت کې ۱۱۱ کسان د ورښتونو او سېلابونو له وجې مړه شوي دي

د طبیعي ناورینونو پر وړاندې د مبارزې ملي ادارې (اېن ډي اېم اې) وايي په خیبر پښتونخوا، پنجاب، بلوچستان، د پاکستان تر واک لاندې په کشمیر، اسلام اباد او ورڅېرمه په راولپېنډۍ کې د سېلابونو اټکل کوي.

ولسمشر زرداري د اېف سي ځواک د واک پراخولو لنډمهالی قانون لاسلیک کړی دی

د پاکستان ولسمشر اصف علي زرداري د یو لنډمهالي قانون (ارډېننس) په لاسلیکولو د فرنټییر کانسټیبلري (اېف سي) ځواک سطحه لوړه کړې او د واک او کار دایره یې پراخه کړې ده. نوموړي د جولای پر ۱۳مه په فرمان کې اېف سي ځواک د وفاقي یا فېډرالي ځواک په نوم نومولی دی. دا فرمان سمدستي نافذ شوی دی. تفصیل په رپورټ کې.

د اسلام اباد یو عدالت د ۲۷ یوټیوب چېنلونو تړلو امر وکړ

په دغو ۲۷ یوټیوب چینلونو کې د مطیع الله جان، اسد علي طور، ارزو کاظمي، عمران ریاض، افتاب اقبال، وجاهت خان، احمد نوراني، اوریا مقبول جان، صابر شاکر، معید پیرزاده او ځینې نور شامل دي.

پاکستان وايي کره شواهد لري چې له افغانستانه پرې بریدونه کېږي

خپله ټي ټي پي هم ويلي چې د پاکستان په خاوره کې فعاله دي او په افغانستان کې پټنځايونو ته اړتيا نه لري.

کراچۍ: د ودانۍ نړېدو پېښه کې د وژل شویو شمېر ۲۷ ته رسېدلی

د کراچۍ د سوېلي ضلعې انتظامي مشر (ډېپټي کمېشنر) غلام نبي کوسو د جولای پر شپږمه خبریالانو ته وویل، په وژل شویو کې ۱۴ ښځې او یوه ۱۰ میاشتنۍ ماشومه هم شامله ده.

پاکستان کې تر سخت امنیت لاندې د عاشورې ماتمي غونډې تر سره شوې دي

وفاقي او صوبايي حکومتونو د امنیت په موخه د پېښور، کواټ، ډېره اسماعیل خان، بنو، کوټې، اسلام اباد، کراچۍ او لاهور په ګډون په یوشمېر ښارونو کې د موبایل ټېلېفون او انټرنېټ خدمات ځنډولي ول.

په تېره یوه اونۍ کې پاکستان کې د ورښتونو او سېلابونو پر مهال تر ۶۰ زیات کسان وژل شوي

د پاکستان دولتي ټېلېوېژن، د انګرېزۍ ژبې ډان ورځپاڼې او نورو رسنیو د جولای پر دویمه د اېن ډي اېم اې په حواله ویلي دي چې په وژل شویو کې ۲۳ د خیبر پښتونخوا اوسېدونکي ول چې پکې ۱۰ ماشومان هم شامل دي.