بلال مندوخېل وايي په بلوچستان کې د ناامنۍ ستونزه د مذاکراتو له لارې هوارېدلای شي
له بلوچستان څخه د پاکستان پيپلز ګوند منتخب سېنېټر بلال احمد خان مندوخېل وايي چې په بلوچستان کې ناامنۍ ته تر ټولو زياته لاره د محرومۍ احساس هواره کړې ده. نوموړي له مشال راډيو سره د مرکې پر مهال زياته کړه چې دا ستونزه له بلوڅو بېلتونپالو سره د خبرو اترو له لارې هوارېدلای شي. هغه پرمخ وويل چې له وسلوالو طالبانو سره هم د سياسي مذاکراتو له لارې ناامنۍ ته د پای ټکی اېښودل کېدلای شي. له بلال احمد خان مندوخېل سره د مشال راډيو خبريال طاهر خان مرکه کړې ده.