د بنو اېف سي ځواکونو مرکز کې نښته روانه ده
په بنو کې د پولیسو چارواکي وايي د اېف سي ځواک په مرکز کې وسلوال لا هم موجود دي او ډزې کوي. د بنو ډویژن د پولیسو مشر سجاد خان رسنیو ته ویلي دي چې د سېپټېمبر په دویمه د سهار له پینځو بجو وسلوال یاد مرکز ته ننوتي دي. نوموړی وايي اول د اېف سي ځواک په دروازه کې ځانمرګی برید وشو او په تعقیب یې وسلوال مرکز ته ننوتل. تر دې مهاله د یو پوځي سرتېري د وژل کېدو او د پولیسو د څلورو سرتېرو د وژل کېدو راپورونه ورکړل شوي دی. د مشال راډیو خبریال د پېښې له ځایه ویډيويي راپور رالېږلی دی.