د خیبر پښتونخوا چارواکي او ډاکټران وايي، له څاروو انسانانو ته د لېږدېدونکې ناروغۍ "کانګو وایرس" درې کسان وژلي دي.
د خیبر پښتونخوا د عامې روغتیا ادارې ویاند عطا الله خان د جون پر ۲۰مه مشال راډیو ته وویل چې په تېره یوه اونۍ کې درې کسان د کانګو له وجې مړه شوي دي.
د دوی په وینا، چې دوه یې د کرک او یو دشمالي وزیرستان وو چې د پېښور په روغتونونو کې د درملنې لپاره داخل کړل شوي وو خو ژوند یې ونه ژغورل شو.
د خیبر پښتونخوا د لومړي وزیر ویاند اختشام علي پرون رسنیو ته وویل چې خلکو د لوی اختر د قربانۍ پر مهال له بې احتیاطۍ کار اخیستی نو ځکه له څاروو کانګو وایرس خلکو ته رسېدلی دی.
نوموړی وايي، اوس هم د پېښور په حیات اباد میډیکل کمپلېکس کې شپږ داسې مریضان داخل دي چې ډاکټران شک کوي په کانګو به اخته شوي وي او یو په یو بل ناروغ کې بیا د کانګو وایرس پخلی شوی دی.
