د تیرا د امنیت لپاره لویه جرګه کېږي
په داسې حال کې چې د خیبر په لرې پرته غرییزه سیمه تیرا کې د بدامنۍ پېښې مخ په زیاتېدو دي، د هغه ځای سیاسي، قامي او ولسي مشرانو پرېکړه کړې ده چې د امنیت د ښه کولو لپاره پر حکومت هم غږ کوي او یوه لویه جرګه به هم ترسره کوي. مشران وايي دا جرګه به د جون پر ۱۵مه جوړېږي. د سیمې مشران وايي پر حکومت او وسلوالو دواړو غږ کوي چې د یو بل پر ضد د ډزو پر مهال دې د ولسي خلکو خوندیتوب ته پام وکړي.