نیاز علي په کراچۍ کې د مشال راډیو خبریال دی او هلته پر سیاسي، امنیتي او اقتصادي چارو رپورټونه جوړوي.
د پښتون ژغورنې غورځنګ مشر منظور پښتين د قاضي طاهر مسید په خوشې کېدو خوښي ښوولې او پر ټوېټر یې ليکلي چې نوموړي ته د "عمر قيد سزا د داسې يوې مظاهرې په بنسټ اورول شوې وه" چې هغه "پکې موجود هم نه وو."
د نفیس نعيم د تښتول کېدو ويډيو پر سوشل ميډيا هم خپره شوې ده. په دې ويډيو کې ښکاري چې په ساده کپړو کې څو کسان نفیس نعيم ګاډي ته په زوره خيژوي.
د ورکو بلوڅانو د خوشې کولو لپاره مبارزه کوونکي سازمان (وايس فار بلوچ ميسينګ پرسنز) مشر نصرالله بلوڅ د جون پر ۱۴مه پر ټويټر پاڼه د دودا بلوڅ او ګمشاد بلوڅ په خوشې کېدو خوښي ښودلې او دا یې يو "ښه خبر" بللی.
په کراچۍ کې فعالانو او د بلوڅانو یووالي کمېټۍ (بلوچ یکجهتي کمېټي) د ورکو بلوڅانو د موندلو لپاره لاریون او مظاهره کړې ده. د جون ۱۲مې احتجاج ته ګڼ خلک ورغلي ول چې په وروستیو کې یې د ورکو شویو زده کوونکو ترڅنګ د نورو لادرکه بلوڅانو د موندلو او عدالت ته د وړاندې کولو غوښتنه کوله.
د کراچۍ پوهنتون بلوڅ زده کوونکي تور پورې کوي چې په دې وروستیو کې په ساده جامو کې پولیسو د دوی دوه ملګري دودا الهي او ګمشاد بلوڅ له ځان سره بېولي دي او لا یې هم څه درک نه دی معلوم.
د پاکستان د ۲۰۱۷ز کال د سرشمېرنې له مخې په دې هېواد کې تر ۳۵ لکه ۹۵ زره زيات هندوان اوسېږي چې له دې جملې څخه څه باندې ۳۳ لکه په سيند صوبه کې ژوند کوي.
پولیسو په ۲۰۱۹ز کال کې پر علي وزیر او د پښتون ژغورنې غورځنګ پر نورو غړو د کراچۍ په سهراب ګوټ کې مقدمه درج کړې وه چې پکې پر هغوی د ریاست ضد د ویناګانو او د خلکو پارولو تورونه پورې شوي دي چې نوموړی او غورځنګ یې ردوي.
د سيند پوليسو د پاکستان تحريک انصاف د کراچۍ مشرانو پرضد په تېرو دوو ورځو کې تر ۲۰ زياتې مقدمې دایرې کړې دي.
د وزیر وکیل قادر خان د مې پر ۲۶مه مشال راډیو ته وویل، سرکاري وکیل د پنجشنبې (زیارت) پر ورځ عدالت ته حاضر نه شو نو ځکه قاضي د ضمانت پر درخواست اورېدنه وځنډوله.
شهباز شریف دا څرګندونې، د مې پر ۲۰مه، په کراچۍ کې د تاجرانو ټولنې ته کړې دي او له هغوی یې غوښتي چې د صبر او زغم څخه دې کار واخلي، ځکه چې د هغه په وینا حکومت لاس په کار دی او اړین اقدامات یې پیل کړي دي.
د علي وزير وکيل قادر خان ايډوکېټ د مې پر ۱۴ مه مشال راډيو ته وويل چې دا مقدمه په کال ۲۰۱۸ز کې دکراچۍ په بوټ بيسن تاڼه کې درج شوې وه او تر دې مخکې ورته پولیسو په دې اړه څه نه وو ويلي.
پښتونخوا ملي عوامي ګوند او پښتون ژغورنې غورځنګ د مې پر ۱۲مه په کراچۍ کې د ۲۰۰۷ز کال د تاوتریخوالي او نښتې هغې پېښې ضد لاریون وکړ چې پکې ۵۰ کسان وژل شوي او ۱۳۰ ژوبل شوي ول. په ۲۰۰۷ز کال کې د چيف جسټس محمد افتخار چودري د بحالۍ لپاره وکيلانو تحريک پيل کړی وو چې سیاسي ګوندونه هم ورسره ملګري شوي ول. پخواني پوځي واکمن پروېز مشرف نوموړی له دندې ګوښه کړی وو چې پرضد یې تحریک پیل شو. پر هغه ورځ چودري کراچۍ ته سفر لاره چې د تاوتریخوالي پېښه وشوه. متحده قامي موومنټ (اېم کیو اېم) ګوند د مشرف د حکومت برخه وو او په سیند کې واکمن وو. سیاسي ګوندونه د مرګ ژوبلې لپاره اېم کیو اېم ملامتوي چې هغه ګوند یې ردوي خو اوسني مشر یې په ۲۰۲۱ز کال کې په کوټه کې د مې ۱۲مې پر پېښې بښنه غوښتې وه. د هغې پېښې په تړاو اوس هم ۲۰ مقدمې په عدالتونو کې دي. ویډیويي رپورټ.
تر چاودنې لږ ساعت مخکې له هغه ځایه د ساحلي ساتونکو (کوسټ ګارډ) ګاډی تېر شوی وو خو هغه ځواک وايي، ګاډي او سرتېرو ته یې زیان نه دی اوښتی. همداراز د پېښې له ځای سره نېږدې د پولیسو او امنیتي ادارو دفترونه هم دي.
پښتونخوا ملي عوامي ګوند چې په دې نښتو کې یې ګڼ غړي وژل شوي ول، د مې ۱۲مه توره ورځ او هغه پېښه د ریاست له خوا پر "ولسي وګړو جبر" بولي.
تېره میاشت په کراچۍ پوهنتون کې په ځانمرګي برید کې د وژل شویو چینايي استادانو وروستي مراسم ترسره شول. د هغو درې چینايي استادانو مړي د مې پر نهمه د کراچۍ شمشان ګاټ کې وسوځول شول. د اپرېل ۲۶مې برید ذمه واري بلوڅ بېلتونپالې وسله والې ډلې، بلوچ لېبرېشن ارمي، منلې وه. ویډیويي رپورټ.
د اپریل پر ۲۶مه په کراچۍ کې پر چینایي وګړو کوم ځانمرګی برید ترسره شوی و، پکې یو پښتون هم خپل ژوند بایللی و. خالد نواز د چینایانو سره موټر چلولو. د هغه ورور ربنواز مشال راډیو ته وویل، هغوی د هنګو اوسیدونکي دي خو په کراچۍ کې ژوند کوي. هغه مشال راډیو ته دا هم وویل چې د ورور واړه واړه بچیان یې یتیمان پاتې دي. نوموړی وايي پر کورنۍ یې لوی قیامت تیر شوی دی.
د اپریل پر ۲۹مه، د کنفیوشیس انستيټیوټ زده کوونکو په کراچۍ کې د مظاهرې پر مهال له حکومته غوښتنه وکړه چې د چینايي استادانو په وژنه اوبرید کې د ککړو کسانو پر ضد دې ګامونه پورته کړي، خپلو تګلارو ته دې له سره کتنه وکړي او د دې پوښتنې ځواب دې ووايي چې ولې په بار بار دا ډول بریدونه ترسره کېږي؟
نور وښیئ
