نیاز علي په کراچۍ کې د مشال راډیو خبریال دی او هلته پر سیاسي، امنیتي او اقتصادي چارو رپورټونه جوړوي.
په کراچۍ کې د ټرانسپورټرانو د بېلابېلو ټولنو غړو او ډرېورانو په کراچۍ کې احتجاجي لاریون کړی دی او بیا یې د واکمن پیپلز ګوند مرکزي دفتر مخې ته پرلت وهلی دی. دوی د ډېسېمبر پر ۱۰مه مشال راډیو ته وویل، پینځه ورځې مخکې د سیند په کشمور کې غلو او ډاکوانو یو ډرېور عمران اپرېدی تښتولی.
د سیند پولیسو مشال راډيو ته ويلي چې هلته غيرقانوني خلک نه پرېږدي او بیرته یې خپلو هېوادونو ته لېږدوي. پولیسو داراز ویلي دي چې هغه کسان هم ګرفتاروي چې په جرمونو کې ککړ وي.
پولیسو مشال راډیو ته په استولي بیان کې ویلي دي چې د ډېسېمبر پر اوومه یې حاجي صدیق خلجی، حافظ جلال الدین او سمیع الله ترین د بلوچستان په حب سیمه کې په یوه غونډه کې د ریاستي (دولتي) ادارو پر ضد د ویناګانو په تور نیولي دي.
د پښتو ژبې لیکوالو، پوهانو، شاعرانو او ګڼ شمېر خلکو د ډسمبر پر دویمه په هغه غونډه کې ګډون وکړ چې "پښتو ژبه او ادب په ۲۱مه پېړۍ کې" سر لیک ورکړل شوی وو. وینا والو د پښتو ژبې پر ادب او تاريخ ډيرې ژورې ويناګانې وکړې.
د کراچۍ د پولیسو یوه مشر فیصل بشیر د نومبر پر ۳۰مه په یوه بیان کې ويلي چې د نومبر پر ۲۷مه او ۳۰مه یې د ښار په اورنګي ټاون، پاکستان بازار، سایټ سیمه او حب کې ۱۲۳ افغانان ګرفتار کړي.
د ۲۰۲۲ز کال د فوټبال نړیوال جام سیالیو کتلو لپاره د کراچۍ په لیاري سيمه کې هر ماښام زرګونه خلک په یو میدان کې راغونډېږي او پر لوی سکرين په قطر کې روانې دا لوبې ګوري. د نومبر پر ۲۸مه په لياري کې د فوټبال په زرګونو مينه والو د برازیل او سويټزرلېنډ تر مينځ لوبه وکتل.
د کراچۍ بېلا بېلو سیاسي ګوندونو د سیند پر حکومت غږ کړی دی چې د کراچۍ د مرکزي ضلعې په مجاهد کالونۍ کې روان کړي دا عملیات په سم دستي توګه ودروي.
د پاکستان په کراچۍ ښار کې ګڼو نرښځیانو، د بشري حقونو مدافعینو او مدني فعالانو د "مورت مارچ" په نوم لاریون کړی دی. د نومبر ۲۰مې لاریون د هغو نرښځیو د یاد نړیوالې ورځې په مناسبت شوی دی چې د کرکې پر اساس وژل شوي دي. مورت مجسمې، انځور یا ظاهري بڼې ته ویل کېږي. ویډیويي رپورټ.
د کراچۍ پولیسو وويل چې تاج محمد په زندان کې ناروغه شوی و چې د علاج لپاره یې هسپتال ته هم بیولی وو. د تاج محمد مړی ۲۴ ورځې په کراچۍ کې د يوې خېراتي ادارې (چهيپا ) په مرده خانه کې پروت وو.
د سېهون یوه ځايي خبریال راشد سومرو مشال راډیو ته وویل، د سیمې خلکو "ټول مړي او ژوبل کسان رااېستلي او بیا یې روغتون ته رسولي دي. ضلعي انتظامیې او پولیسو هېڅ مرسته نه ده کړې. تر پېښې څو ساعته وروسته انتظامیې له اوبو څخه ګاډی واېست. په روغتون کې د ژوبلو سمه درملنه نه کېږي ځکه چې اسانتیاوې نه لري."
ګل فراز، چې کراچۍ ته د ناروغ د درملنې لپاره تللی وو، د نومبر پر ۱۴مه يې مشال راډيو ته وويل چې تورخم ته د اوښتو پر وخت یې هم پیسې ورکړې وې او بیا په کراچۍ کې تر نيول کېدو وروسته هم پوليسو پیسې ورڅخه اخیستي.
په تېرو څلورو میاشتو کې د کراچۍ ترڅنګ د سیند په یوشمېر ښارونو کې تر ۱،۲۰۰ زیات افغان کډوال نیول شوي دي چې پکې ۳۰۰ ښځې او ماشومان دي. چارواکي وايي، هغه کسان یې د قانوني اسنادو نه لرلو له وجې نیولي او د بلوچستان له لارې یې هېواد ته ستنوي. خو افغان کډوال وايي، پولیس قانوني اسناد لرونکي هم نیسي.
اډوکېټ صلاح الدين پهنور د نومبر پر ۱۲ مه مشال راډيو ته وويل، "د تېر په څېر هغه راو انوار له دې انکار وکړ چې د نقتب الله مسید په وژنه تورن یم خوا دا ټولې نړۍ ته معلومه ده چې راو انوار د نقيب الله په وژنه کې ککړ دی."
په کراچۍ کې پوليسو د نومبر له اتمې د سيند انتظامي دفتر مخې ته ناست احتجاج کوونکو روغتياپالانو پرضد کاروايي کړې ده. د نومبر پر ۱۱مه پوليسو د روغتياپالانو د پرلت ختمولو لپاره هغوی ووهل او د اوبو توپونه يې ورباندې وکارول. رغتياپالانو د صحنور حال د نياز علي په ويډيويي راپور کې وګورئ.
منيزې زياته کړه چې پوليس قانوني اسناد لرونکي افغانان هم نيسي او زندان ته يې لېږي. "له نيول شويو کسانو تذکره، پاسپورټ، روپۍ او نور قيمتي شيان هم اخلي، خو په مقدمه يا ريکارډ کې يې هيڅ ذکر نه وي او افغانان له خپلو اسنادو او قيمتي شيانو څخه هم محرومه کوي."
په کراچۍ کې بلوڅ فعالانو د يوې مظاهرې په ترڅ کې ادعا کړې چې په بلوچستان کې د پوځي عملياتو په وخت ښځې او ماشومان نيول شوي او نامعلومو ځايونو ته وړل شوي دي. چارواکي د امنيتي ځواکونو په لاس د ښځو او ماشومانو نيول نه مني او وايي چې دا یوازې پروپېګنډه ده. په دې اړه د نياز علي ويډيو راپور وګورئ:
د جنوبي وزيرستان په اعظم ورسک سيمه کې پولیسو عمليات کړي دي. د نومبر پر شپږمه د واڼه ښار تاڼې مشر عثمان وزیر له مشال راډيو سره په خبرو کې ادعا وکړه چې په عملياتو کې د تحريک طالبان پاکستان يو مشکوک قوماندان وژل شوی او د هغه دوه ملګري نيول شوي دي.
د پښتون ژغورنې غورځنګ د کراچۍ مشر نورالله ترين وايي چې د پوليسو له خوا له افغان ګډوالو سره ناروا سلوک جاري دی او هره ورځ په ښار کې افغانان نيول کيږي.
نور وښیئ
