عمران یونس په اسلام اباد کې د مشال راډیو همکار دی چې پر بېلابېلو موضوعاتو ویډیوګانې جوړوي چې د مشال راډیو خبریالان بیا ورڅخه راپورونه تیاروي.
د اسلام اباد د دنګو ودانيوو ترمنځ د افغان کډوالو په خېمو کې د افغان ښځو له کړاوه ډک ژوند
د پېښور صايمه خان د خپلې لور د زده کړو بهیر جاري ساتلو په خاطر په اسلام اباد کې یو رستوارن خلاص کړی دی. نوموړې وايي د اقتصادي ستونزو له کبله یې اول اسلام اباد ته کډه وکړه او هلته یې خپل کاروبار پیل کړ. هغه وايي، په لومړي سر کې مشکلات ول خو اوس یې کار ښه روان دی. ویډیويي رپورټ.
خان سيد اپرېدی پر نړيوال کچ د تای باکسنګ لوبه کوي او يو شمېر نړېوالې سيالۍ ېې هم ګټلې دي. نوموړی وايي چې په کراچۍ کې يې د کراټو له لوبې پيل کړی وو خو بيا وروسته يې تايي باکسنګ ته مخه وکړه. خان سيد دا مهال په اسلام اباد کې مېشت دی او هم هلته خپل تمرين کوي.
پښتون ژغورنې غورځنګ (پي ټي اېم) د جنورۍ پر ۲۵مه د پېښور، کوټې، کراچۍ او اسلام اباد په ګډون د پاکستان په یوشمېر ښارونو کې د جنوبي وزیرستان د اوسېدونکي نقیب الله مسید د وژنې قضیې فیصلې پرضد احتجاجونه وکړل. د پېښور، کراچۍ او اسلام اباد د احتجاجونو په اړه ویډیويي رپورټ.
د ډېسېمبر پر اتمه په اسلام اباد کې د جرمني د نړیوال پرمختګ ادارې په مرسته د قبایلي ضلعو د ژوند او فرهنګ په اړه انځوریز نندارتون جوړ شو چې ورته یوشمېر خلک ورغلي ول. د نندارتون موخه د هغو سیمو له ژوند او پکې د تېرې څه د پاسه یوې نیمې لسیزې د ناامنۍ له اغېزه خلک خبرول دي. ویډیويي رپورټ.
د پاکستان تحریک انصاف له اعلان سره سم د جمعې تر لمانځه وروسته د هېواد په بېلابېلو برخو کې مظاهرې وشوې. دا تر هغې یوه ورځ وروسته ده چې د نومبر پر درېیمه د پنجاب په وزیراباد کې د تحریک انصاف پر حکومت ضد لاریون په ډزو کې یو کس ووژل شو او د ګوند د مشر عمران خان په ګډون ۱۳ کسان زخمیان شول.
عذرا نفيس د سيند پر ډبرو انځورګري کوي. نوموړې وايي د پېښور پر ارمي پبلک سکول تر وسله وال بريد وروسته يې انځور ګري پيل کړې ده۔ هغه وايي خپل هنر نورو ته هم ورزده کول غواړي.
د اکتوبر پر ۲۷مه په اسلام اباد کې د خبریال ارشد شریف جنازه وشوه چې ورته ګڼ خلک ورغلي ول او خاورو ته وسپارل شو. تر هغې وروسته چې په کینیا کې ووژل شو، د هغه هېواد د ولسمشر په ګډون یوشمېر لوړپوړي چارواکي او سیاستوالان یې کور ته ورغلي دي. د مشال راډیو، رویټرز اژانس او اې اېف پي له ویډیوګانو جوړ رپورټ.
د قامي اسمبلۍ څوکۍ لپاره د پاکستان تحریک انصاف د مشر عمران خان نااهلۍ ضد احتجاجونه پیل شوي دي. انتخاباتي کمېشن د اکتوبر پر ۲۱مه وویل چې عمران خان د شتمنیو په اړه سم معلومات نه ول ورکړي نو ځکه له ایین سره سم د قامي اسمبلۍ د څوکۍ وړ نه دی. ویډیويي رپورټ.
د خيبرپښتونخوا پر سوات او ځينو نورو سيمو سربېره په کراچۍ او اسلام اباد کې زرګونو کسانو د ترهګرۍ او ناامنۍ پرضد مظاهرې کړې دي. په مظاهرو کې د سیمې سياسي او ولسي مشرانو، ځوانانو او مدني فعالانو له حکومته غوښتنه وکړه چې د سوات په ګډون کې د خيبر پښتونخوا په ټولو سيمو کې امنيت باوري کړل شي.
د ۲۰۲۱ز په اګست کې پر افغانستان د طالبانو تر واکمنېدو وروسته ګڼ خلک پاکستان او ایران ته کډوال شول. په اسلام اباد کې د کډوالو لسګونه کورنیو له څلورو میاشتو راهیسې د احتجاج خیمې درولې دي او له ملګرو ملتونو غواړي چې پرمختللیو هېوادونو ته دې یې ولېږدوي. ویډیويي رپورټ.
د خیبر پښتونخوا د دولتي پوهنتونونو کارکوونکو او استادانو د خپلو د نوکريو د دایمي کېدو لپاره د سېپټېمبر له ۲۴مې راهيسې په اسلام اباد کې د پاکستان تحریک انصاف ګوند د مشر عمران خان کور مخې ته پرلت ته دوام ورکړی دی.
د پاکستان کروندګرو د سېپټېمبر پر ۲۱مه نېټه په اسلام اباد کې د خپلو غوښتنو لپاره احتجاجي مظاهره او غونډه کړې ده. دوی غوښتنه کوي چې د کرکیلې د اړينو توکو بيې زیاتې شوي نو باید حکومت په دې لړ کې ورسره مرسته وکړي.
د پاکستان تحریک انصاف غړو او پلویانو د ګوند د مشر عمران خان د سلاکار شهباز ګېل د ګرفتارۍ ضد لاریون او جلسه کړې ده. عمران خان د اګست ۲۰مې پر ماسخوتن د اسلام اباد جلسې ته په وینا کې تور پورې کړ چې د ګېل د ګرفتارۍ تر شا هغه قوتونه دي چې ځان له قانونه لوړ بولي. ویډیويي رپورټ.
د پاکستان تحریک انصاف سیاستوالانو، غړو او پلویانو د اګست پر څلورمه د اسلام اباد او پېښور په ګډون په یوشمېر ښارونو کې د انتخاباتي کمېشن پرضد احتجاجي غونډې کړې دي. کمېشن د اګست پر دویمه په فیصله کې ویلي ول چې تحریک انصاف له بهره ممنوعه چندې ترلاسه کړې دي. ویډیويي رپورټ.
رضوانه عابد په يوازې سر د خپل کور ماشومانو او د ناروغه مېړه د دوايانو خرڅ پوره کوي. نوموړې وايي، د ژوند د ګزران او د ماشومانو د تعليم لپاره شپه او ورځ خواري کوي. نور تفصیل د ځلاند يوسفزي او عمران يونس په ویډیويي رپورټ کې کتلای شی.
پاکستان ته تللیو یوشمېر افغان خبریالانو په اسلام اباد کې د پرېس کلب مخې ته مظاهره کړې. دوی د جولای پر ۱۷مه د احتجاج پر مهال په لاسونو کې بینرونه نیولي ول چې پکې یې د کاناډا له حکومته غوښتنه کوله چې تر ۳۵۰ زیات افغان خبریالان دې هغه هېواد ته وروغواړي. په اسلام اباد کې د کاناډا سفارت لا په دې اړه څه
په پنجاب کې د اسمبلۍ د ۲۰ څوکیو ډکولو لپاره ضمني انتخابات د جولای پر ۱۷مه سهار اته بجې پیل شول. انتخاباتي کمېشن وايي، د انتخاباتو امنیت لپاره نه یوازې سرتېري ځای پر ځای شوي بلکې د څارګرو کیمرو له لارې د ووټ اچولو د مرکزونو څارنه هم کېږي. ویډیويي رپورټ.
په پاکستان کې مسلمانان په داسې حال کې لوی اختر لمانځي چې حکومت د کورونا وایرس زیاتېدونکو پېښو ته په کتو پر خلکو د احتیاط کولو غږ کړی دی. د جولای پر ۱۰مه د اسلام اباد د فیصل جومات په ګډون په لویو او وړو ښارونو کې مېلیونونه خلکو د اختر لمانځه جمعې وکړې. ویډیويي رپورټ.
پاکستان تحریک انصاف ګوند د جولای دویمې پر ماخوستن د هېواد په بېلابېلو ښارونو کې احتجاجي جلسې وکړې. د هغه ګوند مشر عمران خان په اسلام اباد کې جلسې ته په وینا کې زیاتېدونکې ګراني د اېتلافي حکومت د ناکامه اقتصادي تګلارې لامل وبلله. ویډیويي رپورټ.
نور وښیئ
