عمران یونس په اسلام اباد کې د مشال راډیو همکار دی چې پر بېلابېلو موضوعاتو ویډیوګانې جوړوي چې د مشال راډیو خبریالان بیا ورڅخه راپورونه تیاروي.
د اګست پر پينځمه د پاکستان د پخواني وزيراعظم او تحريک انصاف ګوند د مشر عمران خان د ګرفتارۍ پر ضد د خيبر پښتونخوا په ځينو ضلعو کې وړې وړې احتجاجي مظاهرې شوې دي. په پېښور کې هم د تحريک انصاف ځينې پلويان احتجاج ته وتلي ول چې پوليسو يې ځينې ګرفتاره کړل.
د سويډن په پلازمېنه ستاکهولم کې د قران مجيد د بې حرمتۍ خلاف د جولای پر اوومه د پاکستان په بېلا بېلو ښارونو کې احتجاجي مظاهري وشوې. مظاهرچيانو له حکومته له سويډن سره د سفارتي اړیکو ختمولو غوښتنه وکړه. تفصیل په ویډیو کې
طالبانو پر افغانستان تر واکمنیدو وروسته پر موسیقۍ بندیز لګولی چې له امله یې یوشمېر هنرمندان نورو هېوادونه ته کډه شوي. په دوی کې ریحانه او مصطفی پاکستان ته کډه شوي او هنري فعالیتونه ته يې دوام ورکړی دی. تفصیل په ویډیو کې
د اسلام اباد په سبزي منډۍ کې اخېستونکي وايي چې د لوی اختر له راتګ سره د سبزيو نرخونه لوړ شوي دي، خو سبزي خرڅوونکي وايي چې د بیو د لوړېدو له اختر سره هيڅ تړاو نشته بلکې په هېواد کې وار له مخه ګراني ده. تفصیل په ویډیو کې
پښتون ژغورنې غورځنګ د خپلوغړو د ګرفتاريو پر ضد د جون په ۲۳مه د اسلام اباد پريس کلب مخې ته مظاهره وکړه. تر دې وړاندې غورځنګ د جون په ۲۰مه د ملک په یو شمېرلویو او وړو ښارونو کې هم په دې اړه احتجاجونه کړي ول. تفصيل په دې ویډیويي راپور کې
د جنوبي وزیرستان په ناامنیو کې معذوره شویو لسګونه کسانو په اسلام اباد کې احتجاجي ناسته پیل کړې ده. دوی وايي حکومت دې ورته له قانون سره سم پر ځانګړو څوکیو دندې ورکړي چې دوی خپلې کورنۍ وساتي. د جنوبي وزیرستان انتظامیې ویلي دي چې معذورانو ته پر ځانګړو څوکیو دندې ورکوي. ویډیويي رپورټ.
د پاکستان د وفاقي حکومت کارکوونکو د جون پر اتمه په اسلام اباد کې د تنخاګانو د زياتوالي لپاره احتجاجي مظاهره کړې ده. د مظاهرچيانو وينا وه چې په هغه هېواد کې ګراني زښته زياته شوې خو په هغه تناسب يې تنخاګانې نه دي زياتې شوي. ویډیويي رپورټ.
د کوټې محمد شعېب د اسیا د سوکوهنې اتلولي ګټلې خو وايي، غواړي چې د نړۍ اتل شي. دی له تېرو پینځو کلونو راهیسې په اسلام اباد کې اوسي او هلته لوبه کوي. شعېب وايي، د ده زیات وخت د حکومت ملاتړ ترلاسه کولو په هلو ځلو تېرېږي او له وزیرانو او چارواکو سره ګوري. نور په ویډیو کې.
د پاکستان په اسلام اباد نړېوال اسلامي پوهنتون کې د افغان زده کوونکو د فراغت غونډه شوې ده. د مې ۲۰مې په غونډه کې شاوخوا ۵۰ زده کوونکو، د هغوی د کورنیو غړو او د افغانستان د طالبانو د حکومت او پاکستان چارواکو ګډون وکړ. ویډيويي رپورټ.
د پخواني وزير اعظم عمران خان د نیولو پر ضد د مې پر نهمه د پاکستان په ځینو برخو کې د تحريک انصاف کارکوونکو احتجاجونه وکړل او ځینې حکومتي ودانیو ته یې اورونه واچول. په پلازمېنه، اسلام اباد کې هم د احتجاجونو سلسله روانه ده. تفصیل له اسلام اباده د عمران یونس په وېډیو کې
د طالبانو د حکومت د بهرنیو چارو سرپرست وزیر ویلي دي دي چې افغانستان، پاکستان او چین د سوداګرۍ پر پراخولو او پر سیمه ییز اتصال موافقه کړې ده. ویډیويي مرکه وګورئ.
نن (د اپرېل پر ۲۲مه) په پاکستان کې د کوچني اختر لومړۍ ورځ لمانځل کېږي، خو د خيبر پښتونخوا د مومندو، باجوړ، شمالي او جنوبي وزیرستانونو په یوشمېر برخو کې د اپرېل پر ۲۱مه د کوچني اختر لومړۍ ورځ وه.
په پاکستان کې اکثر تر هر اختر څو ورځې مخکې د ګاډو کرایې لوړېږي. د راولپېنډۍ په لویه اډه کې یوشمېر مساپرو مشال راډیو ته وویل چې ډرېورانو کرایې خورا لوړې کړې دي. خو ډرېوران د کرایو زیاتولو خپل دلیل لري. په دې اړه ویډیويي رپورټ وګورئ.
د اپرېل پر اوومه د پاکستان ملي امنيت کمېټۍ پرېکړه کړې وه چې په پاکستان کې د زیاتېدونکې ناامنۍ ختمولو لپاره به کوټلي پوځي عمليات کېږي. وروسته د اپرېل پر نهمه د پاکستان وفاقي کابینې هم دغه پرېکړه تاييد کړه. مشال راډيو د پاکستان د پارلېمان له ځينو پښتنو غړو په دې اړه د هغوی نظر پوښتلی.
په اسلام اباد کې د "مهربانۍ کارونو یا ایکټس اف کاینډنېس" په نوم د رضاکارانو یو سازمان هره ورځ مزدورانو او خواریکښو ته روژه ماتی برابروي. د سازمان غړي او مشران وايي، د اسلام اباد او راولپېنډۍ په ځینو روغتونونو کې له ناروغانو سره ورغلیو خپلوانو ته د پیشلمي خواړه هم ورکوي.
په پاکستان کې د روژې میاشت له پیلېدو راهیسې پر ټولنیزو شبکو د تازه مېوو له اخیستو څخه د پرېکون (بایکاټ) یو کیمپېن روان دی. د کیمپېن چلوونکي وايي، له دې کار سره به د مېوو بیې ښکته شي. خو یوشمېر کسان د دې کار مخالفت هم کوي .
په قامي اسمبلۍ کې د جنوبي وزیرستان استازی وايي، تر هغو چې د سږنۍ سرشمېرنې نتیجې نه وي راغلې، په قبایلي ضلعو کې انتخابات ورته د منلو وړ نه دي. له مولانا جمال الدین سره ویډیويي مرکه وګورئ.
عمران خان اسلام اباد کې عدالت ته له حاضرۍ وروسته لاهور ته ستون شو. د عمران خان د توشه خانې قضیې اورېدنه د اسلام اباد په جوډيشل ودانۍ کې وه.
د اسلام اباد د قایداعظم پوهنتون د دوکتورا (پي اېچ ډي) او اېم فېل د سطحو زده کوونکي له یوشمېر ورځو راهیسې د پوهنتون تړلو پرضد په احتجاج دي. انتظامیې د فبرورۍ پر ۲۷مه د پښتنو او بلوڅ زده کوونکو د ډلو ترمینځ تر نښتې وروسته تړلی وو. د پوهنتون مشر له احتجاجیانو سره لیدلي دي.
په اسلام اباد کې د مارچ پر ۱۲مه د هغو فلمونو مېله پای ته ورسېده چې ښځو جوړ کړي دي. په مېله کې یوشمېر لنډ فلمونه د خلکو نندارې ته وړاندې شول. په ننداره کې د مردان د یوې ښځې پر ژوند جوړ فلم خلکو زیات خوښت کړ. ویډیويي رپورټ.
نور وښیئ
