د فضل احمد غر شاوخوا ۸۰ زره بيتونه د هند د وېش پرمهال ضايع شول
د پښتو ادب په نوي دور، يعني د ۲۰مې پېړۍ په پيل کې چې کومو شاعرانو په نوي رنګ کې شاعري کړې وه، په هغوی کې يو فضل احمد غر وو. خو له بده مرغه د هغه د شاعرۍ لویه برخه ضايع شوې ده. ويل کېږي چې د فضل احمد غر ۸۰،۰۰۰ بيتونه د هند د وېش پر وخت د فساداتو پر مهال ضايع شوي ول او پاتې شاعري يې تر خپل مرګ مخکې په خپله وسوځوله. کره کتونکي وايي چې د باچا خان او مولانا عبدالقادر په شان لوی شخصيتونو د فضل احمد غر د شاعرۍ مينه وال ول.