په نننۍ سروه خپرونه کې له پېښوره راسره سلوه یوسفزۍ مېلمنه ده. سلوه د پاکستان ګرلز ګایډ ایسوسيېشن څانګې مشره ده. یاده اداره د ښځو لپاره کار کوي او هڅه کوي چې بې وزله جینکو او ښځو ته له مهارت ښودلو سره هغوی د روزګار موندلو جوګه کړي. سلوه یوسفزۍ [زموږ ارواح وژغوری] یا اېس او اېس نومې ادارې په یوه پروژه کې د یتیمانو ماشومانو لپاره هم کار کوي. د دې تر څنګ هغه د کڼو او ګونګیانو د خېرښېګړې لپاره هم کار کوي. له دې سربېره سلوه خپل کاروبار هم کوي چې د کالیو یو بوتیک لري او ورسره د ورزش یو جیم هم چلوي.