نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د سېشنبې پر ورځ د خوست ولایت د تڼیو ولسوالۍ د سیګۍ په سیمه کې ۲۷۵ ښوونکو ته په یو ښارګوټي کې د کورونو د ابادولو له پاره ځمکې وویشل شوې.
د خوست هغه زرګونه اوسیدونکي، چې پخوا يې په پاکستانیو پاسپورټونو د سعودي عربستان د کار او مزدورۍ ویزې اخیستي او له کلونو، کلونو په هغه هېواد کې په کار بوخت دي اوسمهال ورته له سعودي څخه هېواد ته په تګ او راتګ کې ستونزې پیدا شوې دي.
د خوست ولایت چارواکي وايي چې په وروستیو دریو میاشتو کې یوازې د ملي پيوستون د پروګرام له لارې د ۲۵۳ میلیونه افغانیو په لګښت د څه باندې ۲۰۰ ودانیزو پروژو کارونه بشپړ شوی او پر دې سربیره شپږ نورې اساسي او لويې پروژې هم ګټې اخیستنې ته سپارل شوې دي.
تېره شپه (جمعه) د افغانستان د خوست ولايت د مرکز اړوند د ډیري په سیمه کې د ځانګړو ځواکونو په عملیاتو کې دوه ولسي وګړي وژل شوي او دوه نور يې له ځانه سره وړي دي.
د خوست نوی ښاروال وايي، چې په ښاروالۍ کې د اصلاحاتو راوستل، د ظرفیتونو لوړول، د عوایدو په راټولو کې شفافیت، د ښار پراختیا او د نورو ادارو سره د همکارۍ د فضاء جوړول يې په کاري لومړیتوبونو کې دي.
د خوست ښار د ازادۍ مینې په سیمه کې د ملي پارک پروژه چې یو نیم کال وړاندې يې ودانیزې چارې پیل شوې وې، اوسمهال يې کارونه په بشپړیدو دي.
د خوست شیخ زاید پوهنتون استادان او محصلان انديښنه لري، که چیرې د یاد پوهنتون ودانۍ په اساسي ډول ونه رغول شي، نو ممکن په راتلونکې کې د زلزلو او نورو طبعي پيښو پر وړاندې د مقاومت تاب ونلري.
که څه هم په خوست کې ورزش پرمختیا کړې او ډیری مروجې لوبې دلته غښتلي ورزشکاران لري، خو د خوست له ساحې د باندې که چیرې دوی د ولایتونو په سطحه مسابقاتو کې برخه اخلي، یا په ملي کچه سیالیو ته ورځي نو بیا يې مالي امکانات ډېر محدود او لږ وي.
تېر کال داسې مهال د خوست د کرنې ریاست له خوا د غنمو د اصلاح شوي تخم وېش پیل شو، چې د کر وخت تېر شوی وو، خو سږ کال بیا اصلاً د کرنې ریاست بزګرانو ته د اصلاح شویو تخمونو او کیمیاوي سرو د وېش پروګرام نه لري.
د جمعې پر ورځ د خوست شاعرانو، د ادب او فرهنګ مینه والو د یوې ادبي دستورې له لارې د پښتو ژبې د درویشتو شعري ټولګو ویناوال، مشر شاعر وزیر محمد روغ لیونی ولمانځه او د ده د ادبي هڅو او کوښښونو ستاینه يې وکړه.
نن د چارشنبې پر ورځ د افغانستان د لوړو زده کړو د پخواني وزیر پوهاند محمود سوما جنازه د خوست په متون کې د دوی په پلرنۍ هدیره کې خاورو ته وسپارل شوه.
په وروستیو کالونو کې په خوست کې ادبي او فرهنګي هڅو د ځوانانو د ژوندانه په ټولنیز اړخ ډېر اغېز پریباسلی، دوی نه یوازې په پراخه کچه زده کړو ته مخه کړې ده، بلکې تر څنګ يې د کلتوري او علمي جوړښتونو او ټولنو له لارې د علم، ادب او کلتور په ډګرونو کې هم د پام وړ لاسته راوړنې لري.
د خوست ولایت چارواکي وايي چې وسلوال مخالفین د یاد ولایت د سرحدي سیمو د ناامنه کولو فکر لري.
په لغمان ولايت کې پر سلو یتیمو ماشومانو چې نجونې او هلکان په کې شامل ول، د HHRD په نوم د یوې مرستندویه موسسې له خوا درسي توکي او نقدې مرستې وویشل شوې.
په پکتیا کې د ملي اردو چارواکي وايي، چې یادو ځواکونو د غزني ولایت د مرکز اړوند سیمو او یو شمېر ولسوالیو کې د وسله والو پر ضد عملیات کړي، چې ۶۴ وسلوال په کې وژل شوي او ۱۷ نور ټپیان شوي دي.
په خوست کې مولوي محمدخان، حاجي ناظم ځدراڼ، قوماندان دلاورشاه، مفتي ګل محمد، وکیل ظابط خان مجاهد، حاجي خانزمان صبری، مدیر غني محمد، حاجي لیونګل حبیبي او نور په تره ګریزو بریدونو کې وژل شوي
نن د ورځې په دوولسو بجو د خوست ښار سولې پارک په سیمه کې د موټر بم برید وشو، چې یوازې یو کس په کې ټپي شوی دی.
د پکتیکا ولایت چارواکي وايي، چې د یاد ولایت یو شمېر هغو طالب العمانو ته چې پخوا يې د پاکستان په دیني مدرسو کې زده کړې کولې، په داخل کې به ورته د دیني زده کړو زمینه برابره کړي.
د خوست امنیتي چارواکي وايي، چې په وروستیو دریو ورځو کې يې په بیلابیلو جنايي قضیو کې اته مظنونین نیولي دي.
نور وښیئ
