غلام غوث په پېښور کې د مشال راډیو خبریال دی چې د خیبر پښتونخوا پر بېلابېلو سیاسي، امنیتي او ټولنیزو چارو رپورټونه جوړوي.
په پېښور کې د قبایلي ضلعو د ولسي مشرانو جرګې د جون پر ۲۷مه وویل چې نور په خیبر پښتونخوا کې هېڅ ډول عملیات نه مني.
احتجاج کوونکو مشال راډيو ته وويل چې حکومت دې د فرقه ییز اختلافاتو پر اساس پر مسافر وړونکو ګاډو د ترسره کېدونکو بریدونو لړۍ ودروي.
د کمېشن غړو د جون پر ۱۱مه، د پېښور د خبریالانو په مرکز کې خبري غونډې ته وویل چې د ۲۰۲۳ز کال لپاره د هغې خپلواکه او ناحکومتي ادارې د راپور له مخې له پاکستانه د افغان کډوالو جبري ایستل د بشري حقونو سرغړونه ده.
د ټرايبل يوت موومېنټ مشرانو د جون پر پینځمه په پېښور پرېس کلب کې د غوڼدې پر مهال وویل چې حکومت ورسره په سیمه کې د پرمختيايي کارونو او د امن برقرار ساتلو ژمنې کړې وې.
د خوراک وزارت سېکرټر ظریف معاني د جون پر لومړۍ له مشال راډیو سره په ځانګړې مرکه کې وویل، د ۴۰ کېلوګرامه غنمو د بوجۍ (ګونۍ) نرخ ۳،۹۰۰ روپۍ وو چې په هغه حساب یې له اړتیا سره سم ۳۰۰،۰۰۰ میټرک ټنه غنم اخیستي ول او نور نه شي اخیستای.
هغو مشرانو د مې پر ۳۰مه، په پېښور کې يوه خبري غونډه کې د پنجاب د سرګودې ښار په مجاهد کالونۍ کې د عیسویانو ضد د ولس پارولو پېښه وغندله او هغه یې يو "غیر قانوني او غیر اسلامي" عمل وباله.
احمد کنډي په خپله وينا کې وویل چې د ۲۰۱۰ز کال څخه وروسته د قامي مالیاتي کمېشن (اېن اېف سي اېوارډ) د نه اعلانولو له کبله خیبر پښتونخوا له اربونو روپیو څخه بې برخې ده.
د خزانې صوبايي وزير افتاب عالم د مې پر ۲۴ مه د بجټ وړاندی کولو پر وخت وويل چې دا ۱۰۰ اربه روپو اضافي بجټ دی. د ده په خبره د صوبې ټول اخراجات ۱۶۵۴ اربه او محصولات يې ۱۷۵۴ اربه روپۍ دي.
هغوی د مې پر ۱۴مه، په پېښور کې خبري غونډې ته وویل چې د پوهنتونونو د مالي ستونزو له امله يې د تقاعد په معاشونو ( پېنشنونو) کې، په بجټ کې اعلان شوې اضافې نه دي عملي شوي او د مالي ستونزو له کبله د پوهنتونونو معیار هم مخ په ښکته روان دی.
افغان هنرمندان او نرښځیان وایي دوی ځکه په عدالت کې دغه درخواست جمع کړی چې په افغانستان کې ژوند ته خطر لري او نغواړي چې په داسې حالاتو کې بېرته ستانه شي.
د علي په نوم یو تن په شعبه بازار د تېرې اوږدې مودې راهیسې کاروبار کوي. هغه د مې پر پینځمه مشال راډیو ته وویل چې اوس د تورخم پر ځای کاروبار راولپېنډۍ او اسلام اباد ته منتقل شوی دی.
ګنډه پور او شريف د مارچ پر ۱۳مه په اسلام اباد کې ملاقات وکړ. تر دې وروسته ګنډه پور او د منصوبه بندۍ وفاقي وزیر احسن اقبال په یوه شریکه خبري غونډې کې وویل چې له وزیراعظم سره یې په ولسی او صوبايي چارو ډېرې مثبتې خبرې شوې دي.
په خیبر پښتونخوا کې د طبیعي ناورینونو پر وړاندې د مبارزې صوبايي ادارې (پي ډي اېم اې) ویاند احسان داوړ د مې پر لومړۍ نېټه مشال راډيو ته وويل چې په هغه صوبه کې د ورښتونو پر مهال تر ۳،۵۰۰ زیاتو کورونو ته هم زیان اوښتی دی.
په بلوچستان کې د قدرتي افتونو پر وړاندې د مبارزې صوبايي ادارې (پي ډي اېم اې) ویلي دي چې د وروستیو بارانونو پر مهال په بېلابېلو پېښو، تندر پرېوتو او سېلابونوکې د وژل شویو شمېر ۲۱ او د ژوبلو ۲۵ تنو ته لوړ شوی دی.
په خیبر پښتونخوا کې د طبیعي ناورینونو پر وړاندې د مبارزې صوبايي ادارې (پي ډي اېم اې) د اپرېل پر ۱۹مه په بیان کې ویلي دي چې په هغه صوبه کې ۳۶ کسان وژل شوي چې پکې ۲۰ ماشومان، اته ښځې او اته نارینه دي.
کمېشن د اپرېل پر ۱۸مه په بیان کې ویلي دي چې په خیبر پښتونخوا کې د اپرېل پر ۲۱مه د ډېره اسماعیل خان په ۴۴مه او د باجوړ په اتمه حلقه کې د قامي او د باجوړ په ۲۲مه او د کواټ په ۹۱مه حلقه کې د صوبايي اسمبلۍ لپاره ضمني انتخابات کېږي.
رپورټ وايي، د درو میاشتو په موده کې په ډېره اسماعیل خان کې ۲۵، شمالي وزیرستان کې ۲۱، په ټانک کې ۱۷، په لکي مروتو کې ۱۱، په خیبر کې ۱۰، په بنو کې نهه او په باجوړ، جنوبي وزیرستان او صوبايي مرکز پېښور کې شپږ، شپږ بریدونه یا بمي چاودنې شوې دي.
مزمل اسلم د اپرېل پر څلورمه مشال راډیو ته وویل چې وفاق د خیبر پښتونخوا څه باندې ۱،۶۰۰ اربه روپۍ پوروړی دی چې پکې د بجلۍ، تېلو او ګیس ګټې تر څنګ هغه پیسې شاملې دي چې وفاقي حکومت باید په ۲۰۱۸ز کال کې په صوبه د قبایلي ضلعو تر ورګډېدو وروسته له قامي مالیاتي کمېشن یا اېن اېف سي څخه ورکړې وای.
د خیبرپښتونخوا اعلا وزير علي امين ګنډاپور اعلان کړی چې په خيبرپښتونخوا اسمبلۍ کې د سېنېټ د انتخاباتو تر ځنډيدلو وروسته احتجاجونه کوي. د ګنډا پور تر خبرو مخکې، د انتخاباتو کمېشن اعلان وکړ چې په صوبايي اسمبلۍ کې د ښځو او لږکيو کاندیدانود سوګند اخیستو د ځنډ له امله په هغه صوبه کې د سېنېټ ټاکنې ځنډوي.
نور وښیئ
