عمران یونس په اسلام اباد کې د مشال راډیو همکار دی چې پر بېلابېلو موضوعاتو ویډیوګانې جوړوي چې د مشال راډیو خبریالان بیا ورڅخه راپورونه تیاروي.
د پاکستان په قامي اسمبلۍ کې د لکي مروتو استازی او د قانوني چارو پوه شېر افضل خان مروت وايي، د افغانانو د ایستلو پر موضوع یې د قانوني او بشري چارو له وفاقي وزیر اعظم نذیر تارړ سره خبرې کړې دي. بشپړه مرکه وګورئ.
په اسلام اباد کې مېشت افغانان وايي هېواد ته ستنېدو ته تیار دي، خو حکومت دې ورته مهلت ورکړي چې ټولې کاروباري چارې بشپړې کړي. د پاکستان حکومت وايي، د بې اسناده او تابعیت کارډ لرونکو ایستلو ته ژمن دی. حکومت د اپرېل په لومړۍ اونۍ کې د هغو ایستل پیل کړل. موږ په اسلام اباد کې له افغانانو سره خبرې کړې دي.
په اسلام اباد کې د افغان کډوالو ټولنې مشر وايي، پاکستان د افغان تابعیت یا سېټېزن کارډ لرونکو ته هېواد ته د ستنېدو لپاره خورا کم وخت ورکړ او د مارچ په پای کې د مهلت له ختمېدو سره سم پولیسو ګڼ افغانان نیولي. د افغان کډوالو د ټولنې له مشر سره بشپړه ویډیويي مرکه وګورئ.
په اسلام اباد کې یوې ناحکومتي خیریه ټولنې په یوه غونډه کې مزدورانو بچیو ته د اختر ډالۍ ورکړې دي. د ایچ ون ټيچ ون فاونډېشن په نوم هغه خیریه بنسټ بې وزله او مزدورو ماشومانو ته وړیا زده کړې ورکوي. موږ له یوشمېر ماشومانو سره خبرې کړې دي.
د مهربانۍ عمل (ایکټ اف کاینډنېس) په نوم یو خیریه ټولنه هر کال په اسلام اباد کې په سلګونه مزدورانو، مساپرو او بې وزلو ته وړیا روژه ماتی برابروي. د روژه ماتي زیاتره منتظمین پښتانه دي. د پاکستان په نورو برخو کې هم خیریه ټولنې او سازمانونه د بې وزلو لپاره روژه ماتی تیاروي. ویډیويي رپورټ.
د پاکستان په سرښار اسلام اباد کې مېشت يوشمېر افغان کډوال وايي چې د پاکستان د حکومت لخوا د افغان کډوالو د ستنېدو پرېکړې يې پر ژوند بد اغېز کړی او سږ کال يې د نوروز خوشحالي هم نه ده لمانځلې.
د پاکستان تحریک انصاف د خیبر پښتونخوا مشر جنېد اکبر وايي، دا يوه پوښتنه ده چې که د ترهګرۍ مرکزونه په افغانستان کې وي نو افغانستان خو له نورو هیوادونو سره هم پولې لري، هغوی هلته ولې نه ځي؟
د پاکستان په پلازمېنه اسلام اباد کې د نېزې یا څانګې وهلو سیالۍ شوې دي چې پکې ۶۰ لوبډلو او ۲۰۰ لوبغاړو ګډون وکړ. د فبرورۍ ۱۸مې سیالۍ د اسلام اباد ضلعي انتظامیې تنظیم کړې وې چې لیدو ته یې ګڼ خلک ورغلي ول. ویډیويي رپورټ.
په افغانستان کې د قامونو د شورا مشر غازي نواز تڼي سره په افغانستان کې د جرګو او د شوراګانو د ارزښت ، د نجونو د تعليم او د پاکستان او افغانستان تر مينځ د اړیکو په اړه په اسلام اباد کې د مشال راډیو خبریال طاهر خان مرکه کړې ده.
د نیشنل ډیموکراټیک موومنټ مشر افراسیاب خټک وايي، چې له وړاندې د روسیې او امریکا ترمنځ سوړ جنګ زموږ خاوره ته راوستل شوی و، او دا ځل د چین او امریکا سیالي زموږ سیمې ته راغلې ده. نوموړي زیاته کړه، چې تر هغې چې د پاکستان پالیسي بدله نه شي، تر هغې په سیمه کې امن راتلل ګران کار دی. ویډیو رپورټ
د قامي وطن ګوند مشر افتاب احمد خان شېرپاو وايي چې په پاکستان کې دې د وسلوالو پر ضد د هدفي عملياتو ترڅنګ له هغوی سره مذاکرات هم پرمخ يوړل شي. نوموړي د فبرورۍ پر پينځمه له مشال راډيو سره د ځانګړې مرکې پر مهال وويل چې په خيبر پښتونخوا کې د ناامنۍ روان حالت د اندېښنې وړ دی. بشپړه مرکه وګورئ.
په کورمه کې کي شيعه سنې جکړې د ختمولو لپاره د فیبرورۍ پر دویمه په اسلام اباد کې جرګه شوې او ټاکل شوې ده چې نن (د فیبرورۍ په دریمه په پېښور کې جرګه وشي.
په اسلاماباد کې خبریالانو د رسنیو د انتظام د نوو قانوني بدلونونو پر ضد احتجاج کړی دی. د احتجاج پر مهال د پولیسو او خبریالانو ترمنځ اخوډب هم شوی دی.
د پاکستان په لوړو زده کړو کمېشن کې د افغان بورسونو د څانګې مشر جهانزېب خان وزير وايي چې د جنورۍ پر ۲۵مه او ۲۶مه به له هغو زرګونو افغان زده کوونکو څخه ازموينې اخلي چې د دغه هېواد شاوخوا ۴،۵۰۰ بورسونو ته يې غوښتنليکونه ورکړي دي.
د پاکستان تحریک انصاف (پي ټي ای) مخکښ سیاستوال او د قامي اسمبلۍ غړی شېر افضل مروت وايي چې په هغه ګوند کې له پښتنو مشرانو سره د ژبني تعصب پر اساس توپیر پالل کېږي. نوموړي د چا نوم وانخیست. له نوموړي سره بشپړه ویډیويي مرکه وګورئ.
په پاکستان کې د احتساب یو عدالت د تحریک انصاف بنسټګر او پخواني وزیراعظم عمران خان ته د القادر ټرسټ په نوم په یوه قضیه کې د درغلۍ په تور د ۱۴ او د هغه ښځې ته د اووه کلونو بند سزا اورولې ده. تفصیل په رپورټ کې.
اسلام اباد کې د نجونو د تعليم په اړه نړيواله غونډه
د تعلیم د مبارزې ملالې یوسفزۍ پلار ضیاالدین یوسفزی وایي، اسلامي هېوادونو ته په کار دي چې پر طالبانو فشار راوړي چې د نجونو ښوونځي بیا پرانیزي. له ضیاالدین یوسفزي سره د مشال راډیو بشپړه ویډیويي مرکه وګورئ.
د پاکستان په پلازمېنه اسلام اباد کې د جنورۍ پر ۱۱مه په اسلامي هېوادونو کې د نجونو د زدکړو په اړه نړيواله غونډه پيل شوه. "په مسلمانو ټولنو کې د نجونو زدکړې: ننګونې او فرصتونه" تر سرلیک لاندې دغه غونډه د "رابطة العالم الاسلامي" په نوم د سعودي يو غير حکومتي سازمان د پاکستان په کوربه توب جوړه کړې ده.
په قبایلي ضلع کورمه کې د بدامنۍ د مخنیوي او د امن د بیا راوستلو لپاره لسګونو کسانو د ډېسېمبر پر ۲۷مه په اسلام اباد کې مظاهره وکړه.
نور وښیئ
