طارق اورکزی د مشال راډیو خبریال دی چې عموماً د کورمې په اړه رپورټونه جوړوي، خو کله نا کله د اورکزیو، هنګو، ټل او نورو شاوخوا سیمو خبرونه هم ورکوي.
مظاهرچیان له لاریون وروسته په مخرني سیمه کې د امنیتي پوستې مخې ته د لږوخت لپاره کښېناستل او پر دې موقع ځینو مشرانو ویناوې وکړې.
کاروباریانو د مې له ۲۹مې راهیسې دوکانونه تړلي دي او غوښتنه کوي چې انتظامیه دې له خپل امره په شا شي او د سرغړونې په تور دې نیولي درې دوکانداران خوشې کړي.
دا پرېکړه منګلو، خروټو او ځدراڼو د مې پر ۲۷مه اعلان کړه او حکومت ته یې دړکه وکړه چې د هغوی غوښتنې دې اول ومني نو بیا به په دویم قدم کې دوی خپلو ماشومانو ته د پولیو څاڅکي ورکړي.
په کورمه کې د تجارانو د ټولنې ځايي مشر سید مبین حسین مشال راډیو ته وویل چې پر لاره د ګاډو تګ راتګ پیل شوی دی. نوموړی زیاته کړه چې هلته د تالاشۍ او ګمرک نظام هم فعاله شوی دی.
په دې مذاکراتو کې د خرلڅیو مقامي مشر، ملک سید مبین حسین، د مې په ۱۸مه مشال راډیو ته وویل چې له افغانستانه بېلا بېلو قومونو مشران ورغلي ول او ډز بندي شوې ده.
ځايي مشرانو مشال راډيو ته د امنيتي ځواکونو په حواله ويلي چې پر ډيورنډ کرښه د اغزن تار د بيا رغولو تر څنګ لږ نور تعميراتي کار روان وو چې افغان طالبانو بريد وکړ. له هغه وروسته سرحدي دروازه تړل شوې چې لا هم نه ده پرانيستل شوې.
د سرحدي ځواک (اېف سي) يو چارواکي مشال راډيو ته وويل چې د اپرېل پر ۲۵مه د کورمې په متاسنګر سيمه کې په يو کور کې په "غير قانوني توګه دېره" کسانو د امنيتي ځواکونو پر غړو د چاپې پر مهال ډزې وکړې چې پکې د اېف سي ځواک دوه سرتېري ووژل شول.
دا له هغې وروسته ده چې د اپرېل پر اوومه نامعلومه کسانو په پاړه چينار کې له سدې نه پر ورغلي يوه ګاډي په ډزو کې دوه مسافر ووژل او څلور نور يې زخميان کړل.
په بلوچستان کې چارواکي وايي چې د اپرېل پر اوومه ماخستن مهال په بلوڅ مېشته سيمه خضدار کې يوې چاودنې ۲ کسان وژلي او ۵ يې ژوبل کړي دي.
په کورمه کې د پوليسو يو افسر زياته کړه، په لومړي سر کې دوه مزدوران کان ته ښکته شوي ول خو چې کله يې تر زیات وخت تېرېدو وروسته هم را ونه وتل نو د هغوی د ژغورلو لپاره دوه نور مزدوران ورپسې ښکته شول خو په کام کې دننه زهرجن ګيس ټوله ووژل.
د سیمې یو مشر حاجي نوروز علي د مارچ پر ۱۹مه مشال راډیو ته وویل، د افغانستان لوري ته له مشرانو سره د ټیلیفون له لارې د دې سیمې مشران غږېدلي چې له هغې وروسته ډزې نه دې شوي.
دا تر هغې وروسته ده چې د مارچ پر ۲۰مه په پیواړ کې د سنیانو پر ګاډي په برید کې یو کس ژوبل شو. پر هم هغه ورځ ځینو کسانو د شیعه مساپرو یو ګاډی په کاڼو وویشت.
د پیواړ ځايي مشر او پخواني صوبېدار ګلاب حسین د فبرورۍ پر ۲۱مه ناوخته مشال راډیو ته وويل چې د مشرانو ۲۵ کسیزه جرګې د شورو (چارشنبې) پر ورځ د دوو ژوبلو په ګډون پينځه کسان د قانوني کاروايي لپاره پوليسو ته وسپارل.
د پيواړ اوسېدونکي وايي، پوځ د فبرورۍ له ۱۵مې راهيسې د هغې سيمې ټولې لارې تړلې دي. دا تر هغې وروسته ده چې پر همهغه ورځ په سیمه کې د ځنګله پر سر د لانجې له وجې په نښته کې یو سرتېری ووژل شو او دوه ولسي وګړي ژوبل شول.
د پیواړ یو مشر صوبېدار ګلاب حسین د فبرورۍ پر ۱۷مه مشال راډیو ته وویل چې له شپږو مطلوبو کسانو څخه یې دوه په نښته کې تر ژوبلېدو وروسته په روغتون کې دي، درېیم ناروغه دی او په کور کې پروت دی، یو کس تښتېدلی دی او پاتې دوه به ژر پوځ ته وسپاري.
د بره کورمې د پولیسو یو چارواکي نجف علي د فبرورۍ پر ۱۵مه ناوخته مشال راډیو ته وویل چې له ګېدو سیمې څخه په یو ټرېکټر کې ځینې کسان پر همهغه ورځ له ځنګله د لرګیو وړلو لپاره تللي ول چې نښته وشوه.
د سنیانو او شیعه ګانو ګډ احتجاج پر داسې مهال پیل شوی چې په کورمه کې د ۲۰۲۳ز کال له اکتوبر راهیسې امنیتي وضع خرابه ده او د بېلابېلو وجوهاتو ترمینځ هلته د دواړو خواوو ترمینځ نښتې او د تاوتریخوالي نورې پېښې شوې دي.
په پاکستان د فبرورۍ پر اتمه تر ټولټاکنو وروسته د ځینې ګوندونو پلویانو احتجاجونه کړي او ځینو بیا د خپلو سیاستوالو په بریالیتوب خوشالۍ کړي دي
نور وښیئ
