پولیس وايي چې په جنوبي وزیرستان کې د خلکو د خپلمنځيو شخړیو د هواري لپاره يې یوه مصالحتي کمېټۍ جوړه کړې ده.
د بره جنوبي وزیرستان د پولیسو مشر ارشد محمود د اکتوبر پر اتمه مشال رېډيو ته وویل چې وړاندې به د ولس خپلمنځي شخړې ځايي جرګې هوارولې خو اوس خلک کولای شي خپلې مسیلې د ډسپیوټ ريزولېشن کونسلز (ډی ار سيز) له لارې حل کړي.
د پولیسو تر واک لاندې د شخړې د هواري شوراګانې (ډسپیوټ ریزولېشن کونسلز) په نوم نظام د شخړو د حل یو متبادل نظام دی چې دا وخت د خیبر پښتونخوا په یوشمېر ضلعو کې فعال دی.
د ارشد محمود په خبره، د مصالحتي کمېټۍ غړي به د قانون او دود مطابق د لانجو د حلولو هڅه کوي. هغه زیاته کړه چې په دې کمېټۍ کې ولسي استازي، خبریالان، وکیلان او ځايي مشران د غړیو په حیث کار کوي او دوی به ځان له یو سیکټر منتخبوي. د ده په وینا، تر اوسه پورې کمېټۍ پینځه شخړې حل کړې دي.